ໜ້າຫຼັກ / ການເຄື່ອນໄຫວ / ສໍາເລັດກອງປະຊຸມໃຫຍ່ຜູ້ແທນອົງຄະນະພັກເມືອງ ພຽງ ແຂວງໄຊຍະບູລີ ຄັ້ງທີ IX

ສໍາເລັດກອງປະຊຸມໃຫຍ່ຜູ້ແທນອົງຄະນະພັກເມືອງ ພຽງ ແຂວງໄຊຍະບູລີ ຄັ້ງທີ IX

15 Jan 2025 | ອຸ່ນເຮືອນ |

ພາຍຫຼັງທີ່ໄດ້ດໍາເນີນເປັນເວລາ 2 ວັນ, ກອງປະຊຸມໃຫຍ່ຜູ້ແທນອົງຄະນະພັກເມືອງພຽງ ແຂວງ ໄຊຍະບູລີ  ຄັ້ງທີ່ IX ຈຶ່ງໄດ້ອັດລົງດ້ວຍຜົນສໍາເລັດອັນຈົບງາມໃນຕອນບ່າຍຂອງວັນທີ 15 ມັງກອນ 2025, ທີ່ຫ້ອງປະຊຸມໃຫຍ່ຂອງເມືອງ, ໂດຍການເປັນປະທານຂອງສະຫາຍ ບຸດສະກອນ ອິນທະລັງສີ ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ເຈົ້າເມືອງ-ເມືອງ ພຽງ, ເປັນກຽດເຂົ້າຮ່ວມຂອງ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີສະຫາຍ ສີໄນ ມຽງລາວັນ ຮອງປະທານ ຄະນະກວດກາສູນກາງພັກ, ມີຄະນະປະຈຳພັກແຂວງ, ກຳມະການພັກແຂວງ, ຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ພະນັກງານອາວຸໂສບຳນານ, ອະດີດການນຳຂອງເມືອງ, ມີແຂກຮັບເຊີນທີ່ມາຈາກແຂວງ ແລະ ບັນດາເມືອງ, ມີໜ່ວຍປະຕິບັດງານຈາກສູນກາງ ແລະ ແຂວງ, ມີຜູ້ແທນສົມບູນຈໍານວນ 141 ສະຫາຍ, ຍິງ 19 ສະຫາຍທີ່ເປັນຕົວແທນໃຫ້ແກ່ສະມາຊິກພັກ ແລະ ປະຊາຊົນບັນດາເຜົ່າໃນທົ່ວເມືອງ. 

ກອງປະຊຸມໄດ້ຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສຳຫຼວດການນຳພາລວມຂອງຄະນະພັກຊຸດເກົ່າ; ໄດ້ພ້ອມກັນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການນໍາພາ-ຊີ້ນໍາ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ 5 ປີຜ່ານມາ, ພ້ອມນີ້ຍັງໄດ້ເປັນເອກະສັນກັນຮັບຮອງເອົາທິດທາງແຜນການ 5 ປີ ນັບແຕ່ປີ 2025 ຮອດ 2029 ຈາກນັ້ນກອງປະຊຸມແມ່ນໄດ້ດຳເນີນການປ່ອນບັດເລືອກຕັ້ງເອົາຄະນະບໍລິຫານງານພັກເມືອງຊຸດໃໝ່ເຊິ່ງມີຜູ້ຮັບສະໝັກເລືອກຕັ້ງທັງໝົດ 31 ສະຫາຍ, ຍິງ 7 ສະຫາຍ, ເລືອກໄດ້ 27 ສະຫາຍ,ຍິງ 6 ສະຫາຍ, ກອງປະຊຸມຄັ້ງປະຖົມມະລຶກໄດ້ເລືອກເອົາ ສະຫາຍ ບຸດສະກອນ ອິນທະລັງສີ ເປັນເລຂາ, ສະຫາຍ ຄໍາພັນ ຄໍາພູບົວ ແລະ ສະຫາຍ ນາງ ດາວັນ ພະວົງຈິດ ເປັນຮອງເລຂາຄະນະບໍລິຫານງານພັກເມືອງ, ເລືອກເອົາ ສະຫາຍ ທອງໄຊ ລິປະມາ ເປັນຄະນະປະທານກວດກາ, ສະຫາຍ ຄໍາໝັ້ນ ສອນສຸພາບ ແລະ ສະຫາຍ ຄໍາປ່ວນ ທອງພຸດ ເປັນຮອງປະທານຄະນະກວດກາພັກເມືອງ ພຽງ, ຕອນທ້າຍຂອງກອງປະຊຸມຂອງກອງປະຊຸມໄດ້ຮັບຟັງການໂອ້ລົມຂອງສະຫາຍ ພົງສະຫວັນ ສິດທະວົງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ ເຊິ່ງສະຫາຍໄດ້ຍ້ອງຍໍຊົມເຊີຍຕໍ່ຜົນສໍາເລັດ ພ້ອມທັງໄດ້ເນັ້ນໜັກໃຫ້ຄະນະພັກຂັ້ນຕ່າງໆ ຕ້ອງຖືສໍາຄັນຄົ້ນຄວ້າ, ເຊື່ອມຊຶມກໍາແໜ້ນ ແລະ ຮູ້ຜັນຂະຫຍາຍ ແນວທາງນະໂຍບາຍ ມະຕິ, ຄໍາສັ່ງ, ນິຕິກໍາຕ່າງໆ ທີ່ວາງອອກໃນແຕ່ລະໄລຍະ ເລິກເຊິ່ງ-ທົ່ວເຖິງ, ຄະນະບໍລິຫານງານພັກເມືອງທຸກສະຫາຍ, ຄະນະພັກທຸກຂັ້ນໃນທົ່ວເມືອງຕ້ອງເພີ່ມທະວີການສຶກສາອົບຮົມການເມືອງ-ແນວຄິດ ໃຫ້ແກ່ຖັນແຖວພະນັກງານ, ສະມາຊິກພັກ ແລະ ປະຊາຊົນບັນດາເຜົ່າໃຫ້ມີຄວາມໜັກແໜ້ນ ແລະ ເຂັ້ມແຂງ, ສືບຕໍ່ເຜີ້ມທະວີ ຊີ້ນໍາ-ນໍາພາຕໍ່ວຽກງານປ້ອງກັນຊາດ-ປ້ອງກັນຄວາມສະຫງົບ ຕ້ອງຮັບປະກັນໃຫ້ມີຄວາມສະຫງົບຢ່າງໜັກແໜ້ນ, ສືບຕໍ່ຄົ້ນຄ້ວາຜັນຂະຫຍາຍຍຸດທະສາດການພັດທະນາເມືອງພຽງໃນ 5 ປີຕໍ່ໜ້າ, ສືບຕໍ່ນໍາພາການພັດທະນາຊັບພະຍາກອນມະນຸດຮັບໃຊ້ການພັດທະນາເສດຖະກິດ-ສັງຄົມ ແລະ ສ້າງເງື່ອນໄຂໃນການເຊື່ອມໂຍງສາກົນ ແລະ ພາກພື້ນ ແລະ ສືບຕໍ່ການປັບປຸງລະບົບການເມືອງ, ການສ້າງພັກ-ພະນັກງານນັ້ນ ທິດນຳຂອງພັກເຮົາແມ່ນຖືເອົາຄຸນນະພາບເປັນກົກ, ຮັບເອົາຜູ້ທີ່ດີເດັ່ນ ມີມາດຖານ ແລະ ມີເງື່ອນໄຂຄົບຖ້ວນເຂົ້າພັກ.

Share:

ຂ່າວຫຼ້າສຸດ

ວັດທະນະທຳ-ສັງຄົມ

ພິທີປະກາດຮັບຮອງວັດສີບຸນເຮືອງ ບ້ານໃຫຍ່ ເປັນມໍຣະດົກທາງດ້ານວັດທະນະທຳລະດັບທ້ອງຖິ່ນຂັ້ນແຂວງ

  • 31 Oct 2024
  • ຄໍາໝັ້ນ

ພິທີປະກາດຮັບຮອງວັດສີບຸນເຮືອງ...

ອ່ານເພີ່ມ

ເສດຖະກິດ

ເຈົ້າແຂວງ ໄຊຍະບູລີ ຢ້ຽມຢາມ ແລະ ເຮັດວຽກຢູ່ເມືອງປາກລາຍແລະເມືອງພຽງ

  • 06 Sep 2024
  • ອຸ່ນເຮືອນ

ໃນວັນທີ 5 ກັນຍາ 2024 ທ່ານ ພົງສະຫວັນ...

ອ່ານເພີ່ມ

ວັດທະນະທຳ-ສັງຄົມ

ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວແຂວງໄຊຍະບູລີ ປະກາດພະນັກງານອອກພັກການ ຮັບອຸດໜູນບໍານານ ແລະ ປະກາດການຈັດຕັ້ງ ຫົວໜ້າຂະແໜງການ ແລະ ກອງວິຊາການ

  • 30 Aug 2024
  • ບຸນທີ ແສງຈັນທະລາ

ໃນຕອນເຊົ້າຂອງວັນທີ 30 ສິງຫາ 2024 ນີ້,...

ອ່ານເພີ່ມ

ການເມືອງ

ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວແຂວງໄຊຍະບູລີ ເຊື່ອມຊຶມ ແລະ ຜັນຂະຫຍາຍເນື້ອໃນສໍາຄັນແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ

  • 29 Aug 2024
  • ຄໍາໝັ້ນ

ໃນຕອນເຊົ້າຂອງວັນທີ 28 ສິງຫາ 2024 ນີ້...

ອ່ານເພີ່ມ